Worst Verses - මගෙ සිත කියන නිදැස් පද

මගෙ සිත කියන නිදැස් පද.. විටක සොදුරුය.. විටක නපුරුය.. එහෙත් මා සැමදා එසේමය

මට නොදැනෙන
නුඹට දැනෙන
මගේ වෙනස
කියාපන්...

සිත නොහඳුන
ගතට දැනෙන
මගේ වෙනස
කියාපන්...

කොඳුර කොඳුර
මට නොකියන
මගේ වෙනස
කියාපන්...

නුඹයි මගේ
වැටෙන්න පෙර
මගේ වෙනස
කියාපන්...

ගලන දහරක
පවතිනා නිල්
පහස නැත මා... හදවතේ....

හමන සුළඟක
රැදුනු සුදුමුදු
සෙනෙහෙ නැත මා... හදවතේ....

ගයන ගීයක
කුරුටු වී ඇති
තාලෙ නැත මා... හදවතේ....

නුඹ ලඟට වී
සුසුම් පැතුවත්
ඉඩක් නැත මා... හදවතේ

නොදනිමි..
ක්ෂේත්‍රය කිම් දැයි,
බැදුනිමි...
ක්ෂේත්‍රය නුබේ,
වඩවමි...
ක්ෂේත්‍රය මගේ,
රැදෙමි..
ක්ෂේත්‍රය ඇති තුරා,
පිටයමි...
ක්ෂේත්‍රය විරුද්ධ වූවන් හා,
නොදරමි...
ක්ෂේත්‍රය සම වූවන්,
දනිමි...
ක්ෂේත්‍රය තවමත් මා ලඟම බව...
සොයමි...
ක්ෂේත්‍රය සදාකල්
නිමනොවනා.....???

කොච්චර අමතක කලත්
බුර බුරා නගින මතකය
සිදින්නට දමන දියත් ගෙන
තවත් දැවෙනා අරුම
දැනගන්ට වුවමනා වුවත්
උඹ මගේ කවුරුන්ද?
අනේ උඹෙ හුස්ම
හුලඟට පා වෙන දාට
මගෙ හුස්මත් අරන් පලයන්
එදාටවත් මේ ගිනි පුපුරු
නිවී අලුවී යාවි
කාටවත් නොකියාම....

සුවදැති
රුවැති
සියුමැලි
කුසුම
නොදනී
ඹමරුන්
රොනට
ඇදෙන
නොදෙනෙමි
තලන්නට
සුරකිමි
නුඹ වත
සුවඳවත්
නොගෙන..

මගේ දින සටහන් ගැන

මා සොයනා කතර නොතෙරේ මා හටම.... මා ගැන කවරෙකු කුමට ලතවෙම්ද?

නිතර යන එන අය